الشهيد كان اصله حر
قالها كلمه وفيها مر
مش هبيع دينى وناسى ولا عمرى فى يوم هضل
واوعى تفتكر انى ناسى ان سيفك كان عليهم
كنت ظالم كنت قاسى وما راعيت الرب فيهم
كنت بتدمر فى بيتهم وبأديك عطشت غيطهم
كنت بتحارب فى قوتهم وتعاديهم
ليه خدعت بكذب بعت الوهم ليهم
ليه طلقت كلاب تعض وسجنت الحر فيهم
ليه بكيانهم اشتريت وسام لصدرك
وانت سعرك ما يساويش ظافر ايديهم
مش هبيع وانا اللى حر والحروف هتكون ظل
وغطى يتغطوا بيها لو فى يوم البرد ضل
تنطق اللى داخل قلوبهم واللى بيراود عقولهم
ودليل شمس نهارهم اللى لابد تهل
مش هبيع دينى وناسى ولا عمرى يوم اضل
والقدر لو كان فيه سجنى او احصل اللى فاتنى
يكفينى وسام فى صدرى الشهيد كان اصله حر
ليست هناك تعليقات:
إرسال تعليق