ياللى كان بيشجيك انينى
وكنت دايما محتاج حنينى
ولما أسأل عنك خيالى
كنت اسمع : هواك كاوينى
كنت دايما بكحل عنيه بلقاك
كنت اهيم بروحى
وروحى كانت دواك
كنت بأتمنى نظره منك
عشان ترد روحى بهواك
ياللى كان الحب غالى عليك
ياللى دوبت قلبى بالشوق اليك
ليه سايبنى وحدى بآسى
وانت عارف ان روحى فيك
ولما كنت اسهر وحدى وافكر
واسمع وحيده همس الريح واتذكر
وعقلى يا غالى عليه تايه
وفكرى فى غرامك كان بيسكر
ارجع بفكرى واعيش دنياك
واقول لقلبى هو مناك
وامنى روحى بالفرحه والهنا
ومهما طال الزمان انا هستناك هستناك
ليست هناك تعليقات:
إرسال تعليق