و بعدين معاك ؟!
و بعدهالك يا زمن
ضاغط عليه ليه
ما أنا دفعت التمن
هوَّ أنت عايز إيه
قصدك تنول مطلبك
و تعيش في دور البيه
واهم كتير يا زمن
دا أنا اللي قالوا عليه
حيّر قلوب العذارى
و اللي يعاديني أرميه
و بعدهالك يا زمن
خليك بعيد عني
لا أنت يا واد مرجلة
و لا حتى من سني
و لا فعالك جميلة
و لا تاني تشغلني
خليك حريص يا زمن
و احذر تزعلني
خليك في حالك بقا
إوعاك تزيد همي
كلامي لك واضح
بالفصحى و العامي
ما أنا خلاص فاهمك
فبلاش بقا تغني
ليست هناك تعليقات:
إرسال تعليق