يا مصر ايه اللي جرالك؟
ترابي هو ترابك. ودمي هو دمك
ولقمة العيش بقسمها
بين اولادي واولادك
ما تخلي شوية لمم
تعَلّي بينا اسوارك
يا مصر ايه اللي جرالك؟
لما كنت تهز العصا
للدّيابة والغربان والفيران
كنت في عز شبابك
يا مصر ما تخلي الغيلان
توكل منك احبابك
وتزرع الموت في ارضك
وتمنع الحلم عن احفادك
يا مصر يمّا
وبرضه ما تهون علي اوجاعك
انا ليكِ دراع تبنيكِ
طوبة طوبة حتى
يلتم شملنا وشملك
يا مصر ايه اللي جرالك؟
فُكي الحزن وانفضي الغبرة
وارجعيلتا زي ما كنت
فخرنا وظهرنا وحارسنا
ونهز للعدى عصاتك
ليست هناك تعليقات:
إرسال تعليق