عشڨي سنابل ڨمح
يزهى بالي كيف نشوف حبيب الڨلب حالو باهي
ونفرح برشة كيف نلڨى حبيب الڨلب صان العشرة
تحلى ايامي كيف نلڨى روح الڨلب بي لاهي
ندعي ربي العظيم يبعد عليه الكشرة
حبيب الڨلب الي بعشڨه ربي بلاني
روحي وحبيبي ضي كل الدنيا
ساكن ڨلبي ما يڨدر على نسياني
في الدنيا مالو مثيل كيف الڨمرة
لا حبه ماني مخبي نا نعشڨه عيناني
يا ناس لمتو علي عشڨ السمرة
حبها كوى ڨلبي مثيل الجمرة
نار حبها في الڨليب نار ڨوية
تشوي تكوي مثيل الخمرة
لوموا علي وزيدو
نا كلامي صادڨ و نزيد نعيدو
عاشڨ سنابل ڨمح وماني نادم
البيضة اذا عشڨت تعشڨ خادم
اما السمراء الي عليها كلامي
نفنى عليها العمر هي الاميرة
ليها التاج وليها ڨصايدي واشعاري
ليست هناك تعليقات:
إرسال تعليق