لساك فاكر
لما كنا صغار
نضحك نلعب
نضرب .. بهزار
لساك فاكر
بيتنا هناك
بيت م الطين
بابه جنب شباك
لساك فاكر
ضحكة بريئة
وقلب طيب
مفيهوش حقد
مليان بحريقة
لساك فاكر
البنت كريمة ؟
يااااه أهي دي اﻷيام
ياااااه علي حب زمان
...
انت أيه فكرك بدي ايام
ما خﻻص الدنيا
طيبتها راحت
شوف ودتنا لفين
وباعتنا بكام
الضحكة بقت خرسا
يدوب ع الشفايف رسمة
والقلب بقي حزين
الضحكة بتطلع لرئيسك
اصلك خايف من زعله
ﻻ بالجزا يعيصك
وتروح طي النسيان
....
فاكر يا صحبي
الحلم اللي كان
فاكر ايام مازنجر
آه لو معانا
ننهي اﻷحتﻻل
اتاري اﻷحتﻻل
مش قوة وسﻻح
وﻻ حدود وأرض
دي سياسة
فيها الكدب مداح
اﻻحتﻻل يحتلو عقلك
وفكرك من الخيبة أهو راح
ويسيب شباب ضايعه
وفي أرضك
مبقاش فية فﻻح
وعيون ع الست اهي زايغه
ودي راحت ودي للكل سداح
مبنفكرش اﻻ ف عيون ليلي
وسوسو وعبير وسماح
مبنفكرش اﻻ في امتي
أتلم بقي مع واحدة
ونعيش انا وهي
ونعلي اﻷفراح
وتبقي طور
واتربط ف ساقية
اكتر من ساقيتك
مبقاش فيها متر براح
.....
فكرتني باللي كان
والضحكة بتاع زمان
والنسمة لما تهب
نضحك ضحكة
مفيهاش طعم الحرمان
ليست هناك تعليقات:
إرسال تعليق